જામનગર જીલ્લામાં કુલ ૧૭ પોલીસ સ્ટેશન આવેલા છે. સીટી એ ડીવી પોલીસ સ્ટેશન વિસ્તારમા ૪ ચોકીઓ આવેલ છે.(૧) દરબારગઢ પોલીસ ચોકી(ર) દિગ્વીજય પ્લોટ પોલીસ ચોકી (૩) ખંભાલીયા ગેઈટ પોલીસ ચોકી (૪) ઉધોગનગર પોલીસ ચોકી, સીટી બી ડીવી પોલીસ સ્ટેશન વિસ્તારમા ૪ ચોકીઓ આવેલ છે.(૧) હનુમાનગેઈટ પોલીસ ચોકી(ર) બેડી પોલીસ ચોકી (૩) નાગનાથ ગેઈટ પોલીસ ચોકી (૪) ખોડીયાર પોલીસ ચોકી. આ આઠેય પોલીસ ચોકીઓમા પોલીસ સબ ઈન્સપેકટર દરજજાના અધીકારીઓ ફરજ બજાવે છે. જયારે તાત્કાલીક પોલીસ સેવા આવશ્યક હોય ત્યારે ચોકી ઉપર ટેલીફોનથી અગરતો રૂબરૂમા જઈ જાણ કરતા તુરતજ પોલીસની મદદ મળી રહે છે. આ ઉપરાંત ગ્રામ્ય વિસ્તારમા મોટા પોલીસ સ્ટેશનોમા જયા વધુ ગામડાઓ આવેલા છે ત્યા આઉટ પોસ્ટ પર એ.એસ.આઈ અથવા હેડ કોન્સ્ટેબલ અને પોલીસના માણસો ફરજ ઉપર મુકવામા આવેલા છે. જેથી આ આઉટ પોસ્ટ વિસ્તારના ગામડાઓની કોઈપણ વ્યકિતને ફરીયાદ કરવા પોલીસ સ્ટેશન જવાને બદલે આઉટ પોસ્ટ નજીક હોઈતો ત્યા જઈ ફરીયાદ કરી શકે છે.જેથી ફરીયાદીન પોલીસ સ્ટેશન જવાની જરૂરીયાત રહેતી નથી. દરેક આઉટ પોસ્ટમા ટેલીફોન તેમજ વાયરલેસની સુવિધા રાખવામા આવેલ છે અને એક મોટરસાયકલની પણ ફાળવણી કરવામા આવેલ છે. જેથી કોઈ બનાવની જાણ થયેથી તુરતજ પોલીસ સ્થાનીક જગ્યાએ પહોંચી શકે તેમજ પોલીસ સ્ટેશનમા એક વાહન વાયરલેસ સાથે આપવામા આવેલ છે. જેથી ગંભીર પ્રકારના બનાવો વખતે ટેલીફોનથી અથવા રૂબરૂ સંપર્ક સાધવાથી તાત્કાલીક પોલીસ મદદ મેળવી શકાય છે.